مجالات عمل الصيدلي

بسم الله الرحمن الرحيم

مجالات عمل الصيادلة ليست مقصورة
على الصيدليات وشركات الأدوية والمصانع...

بل هناك العديد من فرص العمل الأخرى
التي يمكن للصيدلي أن يستفيد فيها من العلوم التي تلقاها في الكلية...

ومن ذلك الأمثلة التالية
التي استقيتها من الواقع الذي شاهدته بنفسي أو سمعت عنه من ثقات...

في مجال التدريس:

1- التدريس في المدارس الخاصة...خاصة الأجنبية...لمواد العلوم-الاحياء-الكيمياء!!....والافضل أن يحصل الصيدلي في هذه الحالة على دبلوم دراسات عليا تربية...مدة دراسته سنة للمتفرغ...وسنتان لغير المتفرغ..توفره جامعتي عين شمس والقاهرة!!!

2- أحيانا تطلب بعض المستشفيات والمعاهد الصحية في السعودية مدرسين صيادلة حاصلين على بكالوريوس - لتدريب الفنيين لديهم!!-

3- مجال الدروس الخصوصية في كليات الصيدلة الخاصة والحكومية مفتوح على مصراعيه... بس للي يركز فيه!

4- اعطاء دورات تخصصية مهنية في مجالات الصحة العامة أو الصيدلة.

في مجال الإدارة والإدارة الطبية:

5- من المجالات الجديدة أيضا إدارة الجودة للرعاية الصحية، وهو من صميم عمل الصيادلة الاكلينيكيين وصيادلة المستشفيات...ومن دبلوماتها المعتمدة دبلوم BCCC الكندي المعروف باسم: HCQM healthcare quality management...

6- ومن المجالات أيضا...ادارة الموارد البشرية HR...في المؤسسات الصحية وشركات الأدوية,... وله دبلوم كندي آخر من BCCC معروف باسم PHR.

7- هناك من الصيادلة من يقوم بأخذ دورة Healthcare and Hospital Management Post-Graduate Diploma من الجامعة الامريكية ليعمل في ادارة المستشفيات داخل وخارج مصر.

في مجال المعلومات الطبية والأبحاث:

8- مجال الـ "medical transcription" ترجمته "النسخ الطبي"...وهو عبارة عن "تفريغ الصوتيات الطبية!!" أيضا يغزوه الصيادلة.

9- مجال الترجمة العلمية في مجالات الطب والصيدلة مفتوحة للصيادلة!

10- من المجالات الجديدة أيضا العمل فيه...Drug Information Centers ....وهو أيضا من صميم عمل الصيدلة الاكلينيكية.

في مجالات الكيمياء:

11- من المجالات التي تمكن الصيادلة اختراقها...شركات البترول...والصناعات الكيميائية.

12- أيضا مجال التحاليل الطبية...في العالم كله...للصيادلة فيه دور...ويمكنهم التخصص فيه بسهولة...ومن حق الصيدلي في مصر...فتح معمل تحاليل...لكن بشروط تحتاج الى جهد اكثر قليلا من غيره ...

في مجالات الكمبيوتر والبرمجيات:

13- الاستشارة التخصصية في البرامج الحاسوبية الطبية وهو ما يعرف بـ Medical informatics .

14- بعض الزملاء احترف تصميمات الجرافيكس الدعائية لشركات الأدوية!!

في مجالات التسويق يوجد تخصص غير مشهور وهو...
15- مندوب شركة أبحاث تسويق دوائي.

وهناك المزيد ايضاااللمعرفة بسم الله الرحمن الرحيما

انا لاحظت ان فى ناس نفسها تعرف ايه مجالات عمل الصيدلى
و عشان كدة نقلت لكم الموضوع ده
انا عرفة ان لسة بدرى عليه بس اكيد نفسكوا تعرفوا ايه هى المجالات زى ما انا كان نفسى اعرف
و مجالات عمل الصيدلي 930215

يعجبكوا
فلنبدا...............

بسم الله الرحمن الرحيم

مرحله بعد التخرج هى تحدى من نوع جديد يواجه الصيدلى

فبعد إنقضاء سنوات الدراسه بحلوها و مرها خصوصا المذاكره يبدأ الصيدلى
الخريج يعد العده لمواجه الحياه العمليه بعنفها نعم عنفها و قسوتها

الغرض من موضوعى بعد تلك المقدمه هو شرح مبسط أو شرح محايد لمعظم فرص العمل المتوفره للصيادله

المجال الصيدلى حاليا يوجد به عدد من الفرص و أهمها هو

1- العمل فى الصيدليات

2- العمل فى شركات الأدويه ( ليس المصنع ) كمندوب دعايه فى مجال التسويق الدوائى

3- العمل فى مصانع الأدويه

4- العمل فى الحكومه كموظف فى وزاره الصحه ( التكليف )

سأتناول تلك الأعمال من حيث

1- طبيعه العمل

2- المميزات و العيوب

3- الدخل و الراتب المتوقع

4- متطلبات الوظيفه

5- كيفيه الألتحاق بالعمل فى المجال المذكور

1-العمل فى الصيدليات

هى أكثر الفرص المتاحه للعمل
طبيعه العمل

- يقوم الصيدلى بصرف العلاج والأدويه فى الصيدليات للمرضى كذلك يقوم
بتقديم خدمات آخرى مثل قياس الضغط و السكر و الوزن أو إعطاء الحقن

- يقوم الصيدلى بإرشاد المريض بطريقه تعاطى الدواء و يحذره من الأعراض الجانبيه المتوقعه أو التعارضات الدوائيه المحتمله وهى :
side effects , contraindications , drug
interaction

لاحظ أيها الصيدلى أن تلك الأمور هى تخصصك و مسؤليتك و ليست تخصص الطبيب و المسؤليه تقع على عاتقك أنت !!

التواصل مع الطبيب لتعديل أى خطأ محتمل فى الروشته العلاجيه ( مينعش تصرف الروشته على عيبها )

المميزات و العيوب

المميزات

1- الألمام بكل الأدويه الموجوده فى السوق الدوائى

2- تعلم التواصل و التفاهم مع جمهور المرضى و هو أمر ليس بالهين إكتسابه لأنه يحتاج إلى صبر من نوع خاص و طريقه تحاور ذكيه

3- يؤهل الصيدلى فيما بعد لأفتتاح صيدليته الخاصه

4- الألمام بطبيعه العمل التجارى و المالى مع الشركات الموزعه للأدويه

5- إكتساب خبره ممتازه حول كيفيه صرف الأدويه العلاجيه دون الرجوع للطبيب من خلال تشخيص مبسط لشكوى المريض وهو ما يعرف بال OTC

العيوب

1- عائد مادى ضعيف نسبيا

2- بمرور الوقت يصاب الصيدلى بحاله من الملل و الكأبه لأن تلك المهنه لا يوجد فيها جديد عاده

3- تلك المهنه غير مضمونه و غير ثابته كمصدر دخل مضمون

4- يحتاج الصيدلى للعمل ساعات كثيره فى اليوم لتحقيق دخل كبير

5- ساعات العمل طويله وممله و ليست مرهقه

الدخل و الراتب المتوقع

يختلف العائد و الدخل من محافظه لأخرى داخل مصر ومن صيدليه لأخرى و على الخبره و على سبيل المثال :

القاهره >>> الساعه شهريا تتراوح بين 75 جنيه : 100 جنيه

الأسكندريه >>> الساعه شهريا تتراوح بين 50 : 60 جنيها

باقى المحافظات >>> الساعه شهريا تتراوح بين 35 : 45

لاحظ الأتى معنى الساعه هو كالتالى

إذا تم الأتفاق مثلا على 50 جنيه / ساعه
ثم الأتفاق على العمل لمده 10 ساعات يوميا

سيكون دخل الصيدلى أو راتبه الشهرى 10 ساعات يوميا فى 50 = 500 جنيه

متطلبات الوظيفه
أن يكون صيدلى حاصل على بكالوريوس الصيدله ويحمل كارنيه نقابه الصيادله و كارنيه مزاوله المهنه من وزاره الصحه ( صيدلى ثان )

الخبره ليست مهمه بدرجه كبيره لأن عاده ما تقوم الصيدليه بتدريب الصيدلى على العمل

كيفيه الألتحاق بالعمل فى المجال المذكور

عاده من خلال العلاقات بالصيدليات أومن خلال الأعلانات بالصحف

2- العمل فى شركات الأدويه كمندوب دعايه أو تسويق

طبيعه العمل

دور الصيدلى هنا هو الأتى :

1- ضمان التسويق والدعايه لأدويه معينه تقوم الشركه التى يعمل بها بإسناد مهمه تنشيطها إليه

2- زياره الأطباء فى عياداتهم الخاصه لأقناعهم بطريقه أو بآخرى بوصف أو كتابه دواء الشركه

3- زياره المستشفيات و المسنوصفات و الصيدليات لنفس السبب السابق
4- ضمان تحقيق معدل دخل مالى معين أو ما يعرف بال TARGET ( كل شركه بيكون عندها هدف أومعدل مبيعات مادى عاوزه تحققه )

5- يتابع الصيدلى الأدويه المنافسه لدواء شركته

المميزات و العيوب

المميزات

1- دخل مالى كبير

2- الحصول على مميزات كثيره مثل السياره ومواد الدعايه اللازمه لتسويق الأدويه

3- يؤهل الصيدلى للعمل بدول الخليج براتب ضخم

4- إكتساب مهارات خاصه مثل طريقه التحاور اللبقه مع الأطباء و خصوصا مهارات الأقناع

5- مركز أجتماعى مرموق إلى حد ما

6- تقوم الشركه بتدريب الصيدلى على مهارات التسويق و الدعايه و منافسه الشركات الأخرى وهى كورسات تدريبيه مكلفه جدا

العيوب

1- مهنه مرهقه إلى حد كبير

2- تحوى نوعا من إمتهان الكرامه لأن الصيدلى مضطر لزياره الإطباء و قد يتعرض للأحراج أو التجاهل و أحيانا الطرد

3- لا تصلح للبنات من وجهه نظرى للأسباب السابقه

4- بها شبهه شرعيه ( حرام ) لأنها تعتمد على رشوه الطبيب بشكل لبق ( وهو
ما يعرف بال SERVICE) لأقناعه بكتابه الدواء كما أنها تعتمد على عرض عيوب
الأدويه المنافسه أمام الطبيب و المتضرر هنا عاده المريض ( بسبب سعر
الدواء المرتفع الذى لا يحتاجه )

5- صعوبه تحقيق ال TARGET الكبير المطلوب تحقيقه مما يعرض الصيدلى للفصل

6- يضطر الصيدلى لحرق الدواء و هو ما يعرف بتوفير دواء شركته للصيدلى بسعر
أقل من سعر السوق الذى تقدمه الشركه و ذلك لتحقيق التارجت المطلوب من
شركته ( طبعا يقوم الصيدلى بهذا الأمر من ناله الخاص وقد يتعرض للفصل إذا
نما إلى علم الشركه هذا المر المخالف )

الدخل و الراتب المتوقع
يبدأ من 1000 جنيه فما فوق شهريا بالأضافه للحصول على سياره خاصه

متطلبات الوظيفه

صيدلى خريج حاصل على بكالوريوس الصيدله

لباقه فى الحديث

يفضل أن يكون مقبول شكليا أو وسيم

كيفيه الألتحاق بالعمل فى المجال المذكور
من خلال الأعلانات المنشوره بالصحف عاده

3- العمل فى مصانع الأدويه

أندر و أصعب فرص العمل[size=12]
1- طبيعه العمل

دور الصيدلى هنا يعتمد على مكانه داخل المصنع فالأعمال المتاحه قد تكون فى
قسم الأنتاج Production Dept. أو قسم الجوده و الرقابه عليها Quality
Control & qualiy Assurance Dept

قسم الأنتاج مختص بخطوات تصنيع الدواء و تعبئته الخ تبعا لخطوات أو procedure محدد

قسم الجوده مختص بالتأكد من جوده التصنيع الدوائى و التأكد من الأمان و الفاعليه الدوائيه طبقا لمعايير محدده

2- المميزات و العيوب

المميزات

1- مستقبل مهنى بارز و مضمون حيث يكتسب الصيدلى خبره نادره فى هذا المجال

2- دخل جيد إلى حد كبير و يزداد بمرور الوقت

3- مجال متجدد بإستمرار حيث يكون الصيدلى ملما بآخر و أحدث التقنيات العلميه فى التصنيع الدوائى

العيوب

مهنه مرهقه و يقع على عاتق الصيدلى مسؤليه كبيره لأن أى خطأ فى خطجوات
متابعه التصنيع قد يسبب خساره ماليه مهوله للمصنع و طبعا تتم معاقبه
الصيدلى عليه

3- الدخل و الراتب المتوقع

يتحدد الدخل على حسب المصنع

على سبيل المثال :

مصنع سيديكو للأديه :
350 دخل شهرى ثابت + بدل حافز + مكافئات تزداد لتصل ل 900 جنيه شهريا + تأمين صحى + الأنتقالات + معاش

مصنع أدويه ألكان فارما Alkan Pharma

900 جنيه شهريا يزداد مع الزمن + تتحمل الشركه تكلفه الأنتقالات + وجبه عذاء رئيسيه

مصنع بريستول مايرز سكويب مصر BMS

900 شهريا + تأمين صحى + الأنتقالات + وجبه غذاء رئيسيه + بوفيه مفتوح

4- متطلبات الوظيفه

الخبره مهمه إلى حد كبير جدا

5- كيفيه الألتحاق بالعمل فى المجال المذكور

من خلال العلاقات الشخصيه ( كوسه بمعنى آخر ) أو لازم يكونلك معرفه لأن
المصانع لا تضطر للأعلان من خلال الصحف إلا فى حاله إحتياجها لتخصص معين
أو خبره طويله فى الشخص المطلوب لشغل الوظيفه

4- العمل فى الحكومه كموظف فى وزاره الصحه ( التكليف )

1- طبيعه العمل
عاده يكون العمل داخل مستشفيات وزراه الصحه و التأمين الصحى متعلقا بتوفي
الدواء للمستشفى و تقديم سجلات لمعدل صرف تلك الأدويه للحكومه كذلك يتسلم
الصيدلى أحد تلك العهد ( عهده الصيدليه الخارجيه للمستشفى , عهده الصيدليه
الخارجيه , عهده مخزن المستشفى الدوائى , عهده المخدرات الخ )

2- المميزات و العيوب

المميزات

1- دخل شهرى ثابت و مضمون بأمر الله

2- معاش و تأمين إجتماعى

3- تأمين صحى
4- وظيفه ثابته فى الحكومه

5- يرتقى الصيدلى فى وظائف الوزاره بمرور الوقت

العيوب

1- دخل ضئيل جدا

2- مجال العمل داخل الحكومه عاده غير متعلق بالصيدله

3- الدخل و الراتب المتوقع

200 جنيه + حوافز + الإقتصادى + مكافئات = حوالى 350 جنيه شهريا

يزداد الدخل مع الوقت

4- متطلبات الوظيفه

الوظيفه هاهنا إجباريه كتكليف لمده سنه ثم يحق للصيدلى الأستمرار كموظف بعدها إذا أحب

5- كيفيه الألتحاق بالعمل فى المجال المذكور

من خلال الأداره المركزيه لشئون الصيدلة

الواحد بصراحه بدا يحتار
اعمل اية

يارب نخلص الكلية الاول ان شاء الله
و بعدين نختااااااااار

هى بس المشكله فى نخلص الكليه دى مجالات عمل الصيدلي Lol

امال المشكله في ايه يا دكتور؟

المشكله فى ان الكليه تخلص

و ندخل بعد كده فى حوار ال interview و حوار الوسايط بقى و الكوسه تشتغل

لا عارفين يا جماعة يا اكتر من الاخوات انتم والله المجالات دى كلها اقل كمان من طموحنا احنا طموحنا اعلى واعلى بس الاول نذاكر الى علينا ونعمل الى علينا وربنا يسر ولا اية وانشاء الله هدفنا الكبير انشاء شركة مصرية عالمية للدواء وانا مصرة على كدة اوكشكل فكرة المنتدى دى واتحققت فى يومين خلاص نحققق دغع صيادلة مصر احلى المجالات

و احنا معاكى ان شاء الله

احنا معاكي يا سارة ان شاء الله
و ربنا يوفقنا و نعمل اكبر شركة مصرية لتصنيع الدواء
قولوا اميييييييييييييييييييين

اميييييييييييييييييييييييييييييييييييييييييييييييييييييييييييين

ربنا معانا ان شاء الله ونقدر نعمل الشركة دى بجد وكلنا معاكى يا سارة وفعلا اهم حاجة دلوقتى ان احنا نذاكر ونعمل اللى علينا ونجتهد لغاية اما نخلص الكلية ولكل مجتهد نصيب واللى ربنا عاوزة هيكون مجالات عمل الصيدلي 232438

عندك حق يا دكتوره ريهام و احنا كلنا مع ساره ان شاء الله
امييييييييييييييييييييييييييييييييييييييين مجالات عمل الصيدلي 814523

الطموح حلو بردو بس لازم نكون واقعيين
وكلنا معاكى يا دكتورة سارة
بس انا اللى ابقى رئيس الشركة
هطردكم كلكم وابيعها

ربنا يوفقنا ان شاء الله

عندك حق والله يا دوكتورة سارة لازم يكون عندنا طموح

ان شاء نحقق اللى بنتمناه
امييييييين

ان شاء الله كل واحد يعمل اللى هو عاوزه ويوصل للمكانة اللى هو عاوزها

ان شاء الله اللى فى نصيب الواحد مننا هياخدوا
بس الواحد يتوكل على الحى القيوم ويعمل اللى عليه
ويجتهد وبعدين ياخد نصيبه
بس الواحد يجتهد

الى ربنا عايزة هيكون اكيد ولازم نكون واثقين فى ربنا بس نعمل الى عليناة وممكن كل واحديقول راية ونشوف نفسكم فى اية

انا عن نفسى اتمنى اشتغل فى شركه ادويه
لان نفسى اصنع ادويه بيداى
واحلم اصنع مصلات ضد امراض مستعصيه
بس ياريت محدش يستهزأ بكلامى لانه مجرد حلم صغير فى بحر احلامى

ربنا معانا ويوفقنا جميعا واكيد لازم الطموح
وزى ما قولتهم نجتهد دلوقتى فى دراستنا عشان نطلع صيادلة متميزين
وان شاء الله ربنا هيعينا على تحقيق طموحاتنا

ان شاء الله
و مفيش استهزاء يا دكتر ولا حاجه لان كل واحد مننا بيحلم زيك بالظبط

و ان شاء الله تحقق اللى بتتمناه

والله انا كدة كمان والله العظيم وعملت المنتدى دة علشان ننتهى بكدة شركة ادوية مصرية عالمية اوك وبلاش ياس

والله الفكره جامده صحيحه هى مش واقعيه أوى بس (من لم يدرك حلمه كله ادرك جانباً عظيماً منه) واحنا كلنا معاكى يا ساره

ان شاء الله نفضل مع بعض للنهايه

و نحقق الحلم كله

» تطوير العمل الصيدلي
» هل التعليم الصيدلي المستمر ضرورة