اخيرا سوف ينتهى الكابوس المفزع

اولا السلام عليكم ورحمه الله وبركاته
ثانيا اعزرونى على العنوان لكن الاجازه بالنسبه ليا كدا فعلا
دى اول مشاركه ليا مش هطول عليكم
بس خلاص اسبوع واحد وتنتهى الاجازه وتبتدى سنه جديده ويارب تكون سعيده وتكون بدايه موفقهلينا كلنا
بس هو سؤال واحد
يا ترى ناوين على ايه ؟؟؟؟؟!!!

بمعنى ياترى كل واحد جواه ايه؟؟؟؟
ياترى هنقضيها واهى سنه وخلاص
ولا ياعم كبر وعيش وكله بيعدى
ولا يا سيدى ما تدقش هما ورقتين على كام محاضره وندخل نقفل الامتحان
ولا يا سيدى تقدير ايه بس المهم نعدى وخلاص
لكن اكيد مش كلنا كدا

ياترى جوا كل واحد مننا بيستعد ازاى للسنه الجديد
متخيلها ازاى
عايزين تعملوا فيها ايه
ياترى جوانا طموح وعايزين نوصل لهدف محددينه من اول يوم دخلنا فيه الكليه
ولا فعلا عايزين نعدى وخلاص ومش مهم حاجه تانيه
ياريت كل واحد يشاركنا ويقول هو شايف السنه دى ازاى وناوى على ايه

واتمنى التوفق والنجاح لكل الناس
شكرا

بأذن الله حتعدي بس أنا زعلان على الأجازه عدت بسرعه كان نفسي مبطلش لعب كوره يلا نبئا نلعب في الكليه

انا بكرة الاجازات لكن السينة دى حبيتها جداا والسنة دى انا ممكن يكون حلمى الاول والاخير اكون مع ربنا وان شاء الله تقدير كل سنة يشرفنى واكون ان شاء الله حاجة كويسة وابدا بنجاح لكن دعائى اللهم وفقنى لمرتضاك وما تحبة وترضاه المهم انفع افيد البشرية

ان شاء الله موفق السنة دى للجميع وياريت اعرف هاميس هى سارة ولا لأ؟

عن نفسى دى اكتر اجازة حبتها لانها تعتبر جت بعد تعب سنتين والمفروض كنا نعوض فيها التعب ده لكن انشغلنا بالتنسيق وحنروح فين والتحويل بعد كده لمعظمنا فمستمتعناش بالاجازة والحمد لله اننا خلاص حنبدأ دراسه بعد اسبوع ان شاء الله لانى كمان باحب الدراسه والمذاكرة وان شاء الله تكون سنة سعيدة علينا كلنا وربنا يوفقنا جميعا

انا فعلا بالنسبه ليا الاجازه ديه كابوس لانى حاسه بملل و نفسى الدراسه تيجى بقى
وان شاء الله انا ناويه على تقديرات عاليه مش ناويه اكسل فى الكليه خالص

وبالنسبه dr amira

فعلا ساره هيا هاميس

شكرا ليكى دكتور هاميس وربنا يوفقك لما يحبه ويرضاه
شكرا ليكى دكتور اميره وبالتوفقي ان شاء الله
شكرا ليك دكتور احمد على مشاركتك
شكرا ليك دكتور بيبو وبالتوفيق وتكون بدايه موفقه
دكتور ديرو مش عارفه اشكرك ازاى اخيرا لقيت حد متفق معايا فى الراى

سارة هاميس خلاص كان نفسى اهرب من الثوب دة بس قولولى هاميس بعد كدة مش سارة

انا بالنسبة ليا بجد الأجازة دي ليا كانت اكبر كابوس وربنا يستر بقي

السلام عليكم كلكم الأول كده

طبعا زعلانة لان الاجازة عدت بسرعة
بس ان شاء الله ناوية ادح من اول يوم
محاضرة بمحاضرة ومش هخلى حاجة تتراكم عليا
ادعولى بقى اطلع الاولى ع الدفعة
وربنا يوفقنا كلنا

يارب يا حنان يارب
بس انتى سنة كام وكلية اية

علشان كلنا مع بعض

انا ان شاء الله اعدادى صيدلة اسكندرية

عمرووووووو كتب:

انا بالنسبة ليا بجد الأجازة دي ليا كانت اكبر كابوس وربنا يستر بقي

السلام عليكم كلكم الأول كده

وعليكم السلام ورحمه الله وبركاته
ان شاء الله تكون بدايه موفقه لنا كلنا وربنا يوفقنا ويعينا كلنا يارب

dr.hanan كتب:

طبعا زعلانة لان الاجازة عدت بسرعة
بس ان شاء الله ناوية ادح من اول يوم
محاضرة بمحاضرة ومش هخلى حاجة تتراكم عليا
ادعولى بقى اطلع الاولى ع الدفعة
وربنا يوفقنا كلنا

يا دكتور متزعليش لما تدخلى الكليه هيصعب عليكى انك تاحدى اجازه انا عارفه ان اسكندريه روعه من غير جدال لكن الكليه كمان روعه
اتمنالك التوفيق من كل قلبى

ربنا يوفق الجميع

الاجازة كانت احسن بكتير من الدراسة الواحد من ساعة ما دخل الكلية وهو حاسس انه تايه وان مش حابب جو الكلية بس خير ان شاء الله على بس منتعود