مصطلحات طبية

هما زمانهم في الطريق

انا الحمد لله فاهمه الكلام ده كويس لأني أخدت كورس صغير عن الترمنولوجي
وجزاكي الله خير على الموضوع الرائع ده
بس انا مش عارفه عندنا ترمنولوجي في المنصورة ولا لأ

انا جيت اهو كنت بظبط شوية حاجات وجيت لية بس يا سرسورة تزعلى منى والله هاشاركك كمان فى الموضوع دة ودة وعد منى بس اخلص بس حاجات وهكمل فى الموضوع

طيب جميل اوى يا اسماء
ربنا يوفقك
مش عارفة والله فى المنصورة ولا لاء
هى عندنا فى عين شمس وفى القاهرة بردو تقريبا
مش زعلانة يا سارة والله
بس عايزة الاقى مشاكة اكبر منكوا
طيب انا هحط تمرين كده وتجاوبوا عليه
ايه معانى المصطلحات ديه ويا ريت بالانجلش يعنى اعملوا تعريف بالانجلش زى ما قولتلكوا الطريقة فى المشاركات اللى قبلها
give definition:
monocyte
erythrocyte
gastroctomy
neuralgia
يلا عايزين نشاط كل واحد يحل واحدة من التمرين ده كتدريب ليكوا

neuralgia
معناها : التهاب الأعصاب
burning pain of a nerve
يارب تكون صح

تمام يا اسماء مضبوط
يلا فين الباقى يجاوبوا على التانين

د.رغد كتب:

بس هي كل الاجزاء تقصدي بيها
prefix suffix , حلقة الوصل و لا انا فهمت غلط؟

ايوة تمام يا منة
ومعاهم كمان ال root
ومش لازم المصطلح يحتوى على الاجزاء كلها
بمعنى مثلا cardiology
cardi/o
heart +o (combinig letter حلقة وصل )
cardi (root)
logy : suffix
اى سؤال انا فى الخدمة

جزاكي الله خيرا
في انتظار المزيد

طيب ما تجاوبى يا رغد على السؤال اعملى تعريف لاى كلمة زى اسماء

monocyte
erythrocyte
gastroctomy
يلا يا دكتورة رغد انتى واسماء والباقى
قولوا تعريف للمصطلحات دى عشان انقل على اللى بعده

انا لسه في اعدادي
و لسه معنديش خبرة
بس ممكن اخرف
ينفع

هي gastroctomy
ازاي دي

erythrocyte
معناها كريات الدم الحمراء
أو red blood cell

هو موضوع حلو ومفيد جدا بس يار يت تقللى عدد المصطلحات عشان نعرف نحفظ معاكى ولكى جزيل الشكر

تمام يا دكتورة اسماء
erythrocyte : red blood cells
معلش انا اسفة يا دكتورة رغد انا كتبت المصطلح غلط مفروض E مشخ
GASTRECTOMY
يلا قولى معناها بقى
واوكى يا دكتورة هبة انا مش هكتر عليكوا كفاية اوى المصطلحات دى النهاردة
يلا احفظوا وربنا معاكوا

لو انا مفهمتش غلط
يبقي gastroectomy معناها
removal of the stomach
ازاله المعدة

تمام استئصال المعدة
برافو يا دكتورة منه
وده بيحصل لما بيكون فيه سرطان فى المعدة لا سمح الله
ربنا يعفينا

يلا فاضل MONOCYTE
مين يعرفها ؟؟؟
يلا فكروا هى سهلة يمكن بس مش كتبت فى المشاركات اللى قبل كده معنى كلمة MONO
بس سهلة لان انتوا اخدتوا معناه قبل كده فى الانجلش

السلام عليكم
mono يعني وحيد او احادي
و cyte يعني خليه
يبقي monocyte
معناه احادي الخليه

تمام يا دكتورة رغد
unicellular
وحيد الخلية او احادى زى ما قولتى
وكمان معلومة ليكوا مهمة ان كرات الدم البيضاء
leukocyte
من انواعها monocyte
ده نوع من انواع كرات الدم البيضاء وبيتكون من خلية واحدة ومسئول عن المناعة

لو حفظتوا اللى فات خلاص قوليلى عشان انزل مجموعة جديدة من المصطلحات

انا الحمد لله حفظتهم
بس استني شويه عشان يبقى في فرصه للدكاترة يحفظوها

اوكى يا دكتورة هندى فرصة لحد بكرة ان شاء الله

جزاكي الله خيرا يا دكتورة علي المعلومات المفيدة دي
و في انتظار البقيه

تكونوا حفظتوا الحمد لله اللى فات واستفدتوا بيه
ندخل بقى فى الجدي بسم الله الرحمن الرحيم
انا هقول شويةrulesلازم نراعيها لما نكتب اى مصطلح طبى او نعمله تعريف
1-يجب قراءة معنى المصطلح من اليسار يعنى من الsuffix: cardiology
meaning: study of heart
علم القلب يبقى انا كده ترجمة بداية من اليسار او السفكيس
2-عند اضافة سفكيس الى رووت root بنحط زى ما قلنا قبل كده كcombining letter
وعادة بيكون حرفo
neur/o/logy
3- يتم حذف ال combinig letter لو الsuffix يبدا بحرف متحرك زى مثلا
gastritis
هنا محطتش الo لان السفكيس itis بادىء بحرف متحرك مثال اخر neuritis
4- لكن لو عندى two rootsلازم افصل بينهم بال o حتى ولو كان الroot التانى بادىء بحرف متحرك
ex: gastroenterology
هنا حطيت بين gastr اللى هى معدة و enter امعاء حطيت ال o على الرغم من ان التانى بادىء بحرف متحرك بس ده root مش suffix عشان كده لازم احط ال o
5-قد يكون نفس ال root له معنيانex: scler means sclera
يعنى بياض العين
وليها معنى تانى بردو hard صلب
وده بيتفهم من السياق طبعا
مثال اخر
<>cyst means sac or bladder
ليها معنيان لاما cyst زى حوصلة او كيس
او bladder يعنى مثانة
فى بردو myel means bone marrow or spinal cord>معناه نخاع العظام او النخاع الشوكى
6- ممكن كمان مصطلحان يبقى ليهم نفس المعنى
زى nephr & ren for kidney
الاتنين ليهم معنى الكلية
7-عندما يبدا suffix ب rh واضيف الى root تتم مضاعفة الr
ex: hemorrhage (نزيف دموى )
8-لو بدا المصطلح ب x وتم اضافته الى suffix نقلب x الى g او ex: pharynx ----- pharyngeal
معناه البلعوم الكلمة الاولى والتانية متعلق بالبلعوم لان al معناه related to