أول يـــــــــــــــــــــ فى الجامعه ـــــــــــوم

على فكرة اول مرة اشوف وحدة زي انا متحمسة لليوم ده من زمان اوي وانا في الثانوية كنت حاموت واليوم ده ييجي

انا اساسا الاسبوع ده مش قادرة انام من الفرحة عايزة يوم السبت ييجي باقصي سرعة نفسي اشتري الادوات واخش المعمل وكدة يعني ياااااااااااااااااااارب نقضي في الجامعة احلى الايام

انا مش رايحه أول يوم

فعلا انا كنت متحمسه جدا ومازلت بس تسرب الى نفس بعض الخوف والقلق قلق اكتر يعنى مش حتروحى اول يوم ليه يا الاء

أول يوم عندنا فيزيا ف علوم ومعامل علوم مبتفتحش أول يوم
فهروح م الاحد ان شاء الله
أروح أتفسح؟؟؟؟
والله فكرة بس المشكله انى بكسل انزل
بس انا حاسه اصلا ان بابا وماما هيقولوى انزلى وملكيش دعوه بركم حد ربنا يستر

بصراحه انا متحمس للعب الكوره في الجامعه اصل ئدام كليتنا ملعب بيسموا ملعب صيدله ده اللي أنا متحمسله بس لكن البائي المعمل والدراسه حموووت من الرعب وبتلبخ في المواقف اللي زيي كده وببئا حاسس ان الناس كلها بتبص عليا وبعدين يوم السبت شكله حيبئا يوم عالمي للزحمه وانا مبحبهاش أنا بحب الهدوء والخضره والهوا مبحبش مووود المحاضرات والزحمه والكلام ده بيعملي روشنه