مناقشات الكيمياء التحليلية

على فكرة يا جماعة احنا ورانا مناقشة كيمياء تحليلية يوم الاربعاء الساعة عشرة ونصف فى مدرج اتنين مجموعة 2 و4 و6و5 و8 انا حبيت اقول علشان المناقشة دى مش مكتوبة فى الجدول

اها
شكراا يا ريهام

أولا انا بشكرك ياعمرو كتير جداااااااااا على المجهود الكبيراللى انت بتعمله وعلى محاضرة الكيمياءالعضوية بتاعت اول يوم
وكمان بسلم على كل عضو فى المنتدى

ثانيا ايه رأيكوا فى محاضرة الكيمياء التحليلية اللى احنا خادناها النهاردة
انا بالنسبالى فهمت نوعا ماعلى الاقل احن من المحاضرات التانية اللى مافهمتش منها ولا كلمة

انا بقى مش فهمت لانى جيت متاخرة
ومش نستعدة وهو بيتكلم بسرعة اوك
الى كتبتة وراه دوك محمود الشهاوى
بس وحياتك
بس لازم اتعرف عليكى يا ميمو
لازم لازم

انا بقي يمكن دي المحاضره الوحيده الي انا فهمتها لكن مفهمتش المحاضرات التانيه
وعلي فكره ياساره ميمو دي صحبتي عقبال يارب اما اقابلك واتعرف عليكي واكيد اما نتقابل هتشوفيها

اه معلشى ياسارة ابقى تعالى بدرى بعد كده
ومتخافيشى ابقى روحى مكتبة التصوير اللى فى الكليه عندها ورق المحاضرة بتاعت د/مجمود

شكراا يا ميمو
ما انا جبتها
يا حبيبى
ميرسى ليكى ولسمورة الامورة

هو مجموعه ب هى اللى خدت محاضره تحليله ولا كله اصل انا روحت يوم الاحد لقيت الجدول اتغير مشيت هما خدوا محاضره ولا ايه

مفيش حد اخد محاضرة التحليلية خالص لان محاضرة بتاع أ وب كانت يوم الثلاثاء وكان اجازة اما اللى احنا خدناه كان حلقة نقاش عن الكيمياء التحليلية وكان مجموعة 2,4,5,8وان شاء الله باقى المجموعات الاربعاء اللى بعده

دكتوره ايه ايه حلقه النقاش دى مسمعتش عنها خالص
انتى اكيد معايا يعنى فى نفس مجموعه أ ممكن نتواصل بس عشان فى حاجات كتير معرفهاش لان الجداول متلخبطه

اولا حلقة النقاش دى توضيح للعملى الى هانخدة لان التحليلية كلها معامل وكدة وهما ادو حلقة النقاش دى فيها الى هنعمله وكدة اما بالنسبة للتقسيم فكان الاربعاء2و4ز5ز8 اما الارعاء القادم باقى المجموعات اوك
والسبت هيكون عملىوكذالك الاحد
يعنى مثلا السبت هيكون عملىوكدة هنطق الى الدكتور قالة
وكدة والى فى مجموعة اربعة السبت لازم يكون معاه الادواتلانة هيحضر 2 سكشن تحليلية واورجانيك

بص انا هفهمك الساعة اللى احنا خدناها فى الكيميا التحليلية دى من ضمن السكاشن بمعنى ان احنا فى سكشن التحليلية بناخد تلت ساعات من ضمنها ساعة شرح فى المعمل والباقى ساعتان شغل عملى بس الدوكتور قال اشرح الساعة دى فى المدرج لبعض المجموعات بدل مشرحها كذا مرة وشرحهافى المدرج والساعتين الباقين بعد كدة فى المعمل بمعنى ان احنا هناخد ساعتين فى سكشن التحليلية مش تلاتة

هى حلقه النقاش دى بتبقى فى المدرج يعنى ولا فى المعمل

لا بتبقى فى المدرج زى اللى احنا خدناها انبارح كدة انما المحاضرة بتبقى ساعتين واحنا لسة مخدنهاش بس انت شكلك مجموعة 1 هو حضرتك حضرت ولا اية

لا بتبقى فى المدرج زى اللى خدناها انبارح كدة بس واضح ان حضرتك مجموعة واحد بس عادى انك حضرتها

حضرت ايه انا مجموعه واحد يا دكتوره مكنتش محطوطه فى المناقشه دى
معلش يا دكاتره حد يدينى اميله او اسم اى شات بيدخل عليه والله عاوز استفسر عن حاجات كتير بس بسرعه لانى عند ناس

مفيش ه لو انت واحد وحضرت المناقشة دى اصل هما مخدوش غياب حتى لو انت مش من ضمن المجموعات دى فنورمال يعنى اوك

لا انا محضرتش انتى حضرتى؟

ايوة انا حضرت انا مجموعة اربعة

معايرات الترسيب :
هي المعايرات التي تحدث لتفاعلات الأيونات في المحلول لتكون أملاح عديمة أو شحيحة الذوبان.




معظم تجارب التحليل الحجمي في تفاعلات الترسيب يتجري باستخدام نترات الفضة.
نترات الفضة النقية درجة نقاوتها 99.9% ويمكن تحضير محاليل قياسية أولية منها بالوزن مباشرة , أما إذا استخدمت نترات الفضة العادية فيمكن معايرتها بواسطة محلول كلوريد الصوديوم النقي.يجب حفظ محاليل الفضة النقية في زجاجات بنية أو زرقاء اللون أو في زجاجة غطي سطحها بطبقة سوداء حتى لا تنحل الفضة.
الكشف عن نقطة التكافؤ في تفاعلات الترسيب :
1) تكوين راسب ملون (طريقة مور) MOhr's Method
يتم باستخدام كرومات البوتاسيوم كدليل.
فعند إضافة نترات الفضة إلى محلول يحتوي أيونات الكلوريد المضاف إليه نقطتين أو ثلاثة من محلول كرومات البوتاسيوم . فإن أيون الفضة يتفاعل مع أيون الكلوريد مكوناً راسباً أبيضاً من كلوريد الفضة , ويتفاعل مع أيون الكرومات مكوناً راسباً أحمراً من كرومات الفضة كما في المعادلات التالية :




ولكن كلوريد الفضة أقل ذوباناً من كرومات الفضة. وعلى هذا فكلوريد الفضة يترسب أولاً. وعند نقطة التكافؤ اي عندما يترسب كل الكلوريد في صورة كلوريد الفضة فإن الزيادة من محلول نترات الفضة (عند إضافة قطرة أخرى منه) تتفاعل مع أيون الكرومات مكونة كرومات الفضة ويتلون المحلول باللون الأحمر أو البني الباهت.
هذه الطريقة لا تستخدم إلا في حالة المحاليل المتعادلة نظراً لأن كرومات الفضة تذوب في الأحماض .
كما أن الوسط القلوي يؤدي إلى ترسيب هيدروكسيد الفضة قبل كرومات الفضة علاوة على أن الراسب الذي يتكون من أكسيد الفضة بالإضافة إلى كلوريد الفضة يؤدي إلى نتائج خاطئة في كلتا الحالتين.2) تكوين مركب ذائب ملون (طريقة فولهارد) Volhard's Methodتستخدم هذه الطريقة في تقدير الكلوريدات في وسط حمضي وفيها يضاف إلى المحلول زيادة من محلول قياسي من ثيوسيانات البوتاسيوم (KCNS) أو الأمونيوم (NH4CNS) مع استخدام محلول شب الحديديك كدليل , فبإضافة محلول ثيوسيانات البوتاسيوم إلى نترات الفضة في وجود دليل يتكون راسب أبيض من ثيوسيانات الفضة كما يلي :



وعند نقطة التكافؤ بعد ترسيب الفضة تتفاعل أقل زيادة من الثيوسيانات مع أيون الحديديك المستخدم كدليل ويتكون مركب ذائب ذو لون أحمر من ثيوسينات الحديديك التي تتميز بلونها الأحمر الدموي كما يلي :



وفي هذه الطريقة تضاف الثيوسيانات من السحاحة إلى نترات الفضة في الدورق المخروطي وليس العكس.
وتستخدم هذه الطريقة في تقدير الكلوريدات والبروميدات واليوديدات في المحاليل الحمضية , وفي هذه الحالة يضاف مقدار فائض من محلول قياسي من نترات الفضة إلى المحلول المحتوي على أيون الهاليد , ثم تحلل الزيادة من النترات بواسطة محلول قياسي من الثيوسيانات (البوتاسيوم أو الأمونيوم) ولقد أوصى في هذه التقديرات بترشيح كلوريد الفضة المترسبة وذلك لاحتمال تفاعله مع ثيوسيانات الفضة الأقل ذوباناً ويحدث هذا التفاعل قبل أن يتم التفاعل بين الثيوسيانات وأيون الحديديك .
إلا أنه يمكن إجراء المعايرة حال وجود الراسب إذا غلى المحلول لتجليط كلوريد الفضة وذلك لإضعاف قابليته للتفاعل .
كما يمكن استخدام النيتروجين الذي يحيط دقائق الراسب بطبقة عازلة تمنعه من التفاعل مع الثيوسيانات المضافة.
3) طريقة أدلة الامتزاز Adsorption Indicators (طريقة فاجان) Fajan's Method
أدلة الامتزاز عبارة عن أصباغ عضوية Organic Dyes تمتز عند نقطة التكافؤ على سطح الراسب فتكسبه لوناً مميزا ومن أمثلتها دليل الفلورسين Fluoresein فعند إضافة نترات الفضة إلى محلول كلوريد الصوديوم مثلاً في وجود الفلورسين فإن كلوريد الفضة المتكون يظل أبيض اللون حتى نقطة التكافؤ وعندها يصبح لون الراسب مشوباً بحمرة خفيفة , أي أن التغير في اللون يحدث على سطح الراسب نفسه وليس في المحلول.
وترجع عملية الامتزاز إلى الخواص الفردية لكلوريد الفضة المتكون عند نقطة النهاية للمعايرة ولاتحدث عملية الامتزاز إلا بعد نقطة النهاية حيث تحمل أيونات الدليل شحنة مخالفة لشحنة الراسب الفردي.
أدلة الإمتزاز إما قاعدية أو حمضية كما يلي :

1) أصباغ حمضية مثل الفلورسين , الأيوسين.

2) أصباغ قاعدية مثل الرودامين.فالدقيقة الغروية من كلوريد الفضة تكون عادة محاطة بطبقة من أيونات الفضة مكونة طبقة ابتدائية وهذه الطبقة تجذب إليها أيونات سالبة التكهرب مثل أيونات النترات لتكوين الطبقة الثانوية وهذه الأيونات الأخرى هي التي يحل محلها أيونات الدليل بعد انتهاء الترسيب , أي بعد نقطة النهاية ومن الواضح أن لون الدليل في المحلول يخالف لونه في حالة الامتزاز.
4) طريقة التعكير Turbidity's Methodتتحد نقطة التعادل في هذه الطريقة بحدوث تعكير بعد نقطة النهاية مباشرة.
ومن أمثلتها معايرة محلول سيانيد البوتاسيوم بمحلول نترات الفضة.
وعند إضافة نترات الفضة إلى محلول سيانيد قلوي يتكون متراكب شديد الثبات يسمى أرجنتو سيانيد القلوي . وهذا المتراكب يتكون نتيجة لذوبان سيانيد الفضة المتكون أولاً في زيادة من سيانيد القلوي كما يلي :



ولكن سيانيد الفضة المتكون لا يترسب مادامت هناك زيادة من سيانيد البوتاسيوم إذا أنه يذوب كما يلي :



هذا ولما كان التفاعل يشتمل على إضافة نترات الفضة إلى محلول سيانيد البوتاسيوم فإن المتراكب يتكون في الحال ولا يحدث أي راسب .
وعندما يتم التفاعل السابق , أي عند الوصول إلى نقطة التكافؤ فإن إضافة زيادة من محلول نترات الفضة تنتج راسباً أبيضاً من سيانيد الفضة ويتعكر المحلول تعكيراً خفيفاً كما يلي



وهكذا تتميز نقطة التعادل بظهور التعكير , وتنحصر الصعوبة الوحيدة في كيفية الحصول على نقطة التعادل بالدقة والسهولة المطلوبين.
إلا أنه يمكن التغلب على هذه الصعوبة بإضافة محلول النشادر الذي يذوب فيه سيانيد الفضة كما يلي :



وإذا اضيف قليل من يوديد البوتاسيوم فإن الفضة عديمة الذوبان في محلول النشادر تتفاعل مع اليوديد ويتعكر المحلول بلون أصفر باهت لتكوين يوديد الفضة عديم الذوبان
وبالله التوفيق

دة اية يا سارة على فكرة انا مش فاهمة وبعدين نصيحة منى متذكريش ومتقرايش بالعربى اى حاجة

اسلام خد ايميل دوك مصطفى الكبير بتاعناtefa_love_50

مجهود رائع بس ياخساره محضرتش ومش فاهم حاجه
بس معلش يا دكتوره لميس متزعليش منى غلط اننا نشرح لبعض عربى عشان منتعبش بعد كده نتعود ع الانجليزى