سكشن* سكشن

اولا بما اننا داخلين ع سكاشن
وبما اننا اعداى وعندنا تحليلية وعضوية فاليكم بعد تجارب الزمالاء الافاضل من اجل التجربة
العامة والخبرة المعرفيه
بسم الله الرجمن الرحيم
من تجارب الزملاء

اول معمل دخلته في الكلية كان معمل كيمياء تحليلية مش قادرة اوصف لكم شعوري قبل المعمل شكله ايه بعد التنبيهات من كل المعيدين والدكاترة
كنت حاسة اني هادخل جوه هاتصاب أو هاتحرق بحاجه
وفعلاً في أول معمل كان في حادثة بسبب الاستهتار مننا، واحد زميلنا داخل بيلبس البلطو في المعمل وكأنه بيلبس في بيتهم بالضبط فالبلطو خبط ازازة Conc. H2SO4 ووقعت عليه وعلى 2 زمايله كمان ( conc هي اختصار concentration بمعنى مركز)
فأهم حاجه بلاش استهتار والبلطو بيتلبس قبل دخول المعمل عشان الحوادث دي والزراير بتتقفل عشان ما تسمعش كلمة من دكتور ولا معيد

في مادة اسمها فينول دي مش بتتمسك بالإيد ولو حصل بتحرق اوي ولو حاولت تغسل ايدك بميه هتحرق اكتر، الحل فيها بتحط على مكانها جليسرين، ودايماً بيكون متوفر في المعمل جنب الفينول على طول

كل الأحماض والقلويات المركزة يكون التعامل معاها بحرص ومثلاً ما اخدهاش في القطارة (dropper) وامشي بيها في المعمل من دولاب الأحماض لمكاني واقعد انقط بقى على نفسي والناس الي ماشية.
الأحماض مش بتتسحب بالماصة pipette عشان ما تشربهاش بالغلط، قدامك حلين إما قطارة وساعات المعيدين مش بيرضوا بيها
لإما بإيدك وتقيس في مخبار مدرج measure cylinder وده الي أي طالب اعدادي بيعتبره مستحيل وصعب جداً بس مع الوقت هتلاقيها أأمن وأسهل وأسرع طريقة، بس بتتأكد إن إزازة الحمض مش عليها حمض من بره وبتمسكها بحرص وبتصب بقلب جامد
انت هتخرج من الكلية دي ان شاء الله وإيديك حساسة جداً للحاجات الي زي دي وبمنتهى الدقة ده إذا إيدك ما اتحرقتش على ما تخرج منها

في مادة اسمها سيانيد دي لا بنلمسها ولا بنشفطها ولا أي حاجه خالص لو نزلت في تجربة بتكون في سحاحة burette على جنب كده مش بنلمسها خالص خالص وكذلك الفينول الي اتكلمنا عليه فوق بيكون في سحاحة

أي حمض او قلوي (Acid , Base ) لو وقعت على ايدك في المعمل تغسل ايدك بميه الحنفية فترة طويلة، او حتى لو حسيت بأي حرقان مش عارف سببه

أي تسخين في أنبوبة الأختبار test tube يكون بحرص شديد ومش بشكل مستمر على اللهب يعني بتحرك إيدك رايح جاي وفوهة الأنبوبة تكون بعيدة عن وشك أو وش زميلك

نصيحة للبنات بقى :
احذري ارتداء أي هدوم جديدة وانتي رايحة معمل عضوية او تحليلية عشان غالباً الهدوم بتتخرم من الأحماض
وعند أي طالبة صيدلة هدوم كتير تشهد على كده لحد دلوقت بفرجها لأخواتي واقولهم دي من معمل الكيميا
بالتوفيق في معامل الكيمياء

تنبيه المعيد في المعمل تقوله يا دكتور
العامل الي شغال في المعمل تقوله يا أستاذ فلان أو يا أستاذ وكده

دي كانت نصيحة اتقالت لي في اعدادى


============================== =========
فيه غازات ضارة جدا

H2S

HBr

بيكون تحضيرها فى دولاب شفط الغازات

============================== =========

ياريت كمان الامونيا NH3 سواء موجودة لوحدها او جوة حاجة اسمها buffer او لو كانت ناتج لاى تفاعل او فى التجارب اللى بتنتهى لما ريحة الامونيا تروح وبنضطر نشمها كل شوية بلاش نشمها بقلب اوى ونسحب جامد

ياريت نشمها من بعيد قدر المستطاع عشان بتتعب جدا

انا عن نفسى جابتلى التهاب فى الاغشية المخاطية وعيتنى كذا مرة وربنا يعافينا ويعافيكم : )

خلى بالك من البرمنجانات KMnO4 ولونها البنفسجى الرهييييييب لانه بيلون الايد والهدوم وبيبوظ الدنيا لو وقعت منه نقطة عليك فحاسب منه ومن كل اشباهه من المواد اللى الوانها بتكون جامدة وبتكون بتصبغ الحاجة
============================== =====
تم بحمد الله

من اعداد : د.هبة الله ,, د.H5N1 ,, د.حسام بركات


وبالتوفيق ان شاء الله

جميل الموضوع ده ياساره وانشاء الله هنحاول ناخد بالنا واحنا في المعمل

يارب يا سمر
بجد لان معمل العضوية مثلا ما فيش حد يشرب كانز مثلا وهو فى المعمل والله هايحصلة حاجة وخضصوصوا لو كان الكانز سابة بجوار المعدات والانابيب دى
وسايب الكانز مفتوحة
وركن جنب الحاجات دى بجد ابعدوا عنها خالص
بتتعب بجد