حنعمل ايه بعد كده ؟؟؟

اولا كل عام والجميع بخير بس للأسف العيد خلص وحنرجع للمذاكرة تانى ده بالنسبة للى كان مابيذاكرش من الاول
انا كتبت الموضوع ده بالذات علشان نعرف بالضبط حنعمل ايه بعد كده بالنسبة للمذاكرة سواء كانت المذاكرة العادية او مذاكرة الامتحانات لأن شكلها قربت فعلا
وكمان نعرف حنساعد بعض ازاى . مش بالضرورة وضع المحاضرات وشرحها . كفاية ايضاح طريقة المذاكرة وتنظيم الوقت ما بين المواد
وأرجو من الجميع المشاركة وتبادل الاراء
.

عن نفسى انا مش عارفة حأكمل كتاب العملى للتحليلية والعضوية والنباتات ازاى وبالاخص انى ما فهمتش حاجة من اخر سيكشن نباتات ده بالاضافة لمذاكرة الميكروبيولوجى واخر الاورجانك
مش عايزة ابقى متشائمة بس ده رأيى الشخصى وأرجو ان محدش يتأثر بيه

بصى يا بيبو احنا نحاول نذاكر ونوع فى المواد يعنى مثلا متعقديش تذاكرى نباتات طول النهار لا حاولى مثلا تمسكى النباتات والمدخل ولو زهقتى منهم الاتنين حاولى تذاكرى كده ماده عبيطه زى مثلا الانجليزى وهكذا فى بقية المواد زى الاورجانيك والميكرو وكده كل مثلا متحسى ان نفسك مفتوحه للمذاكره ذاكرى ماده صعبه ولو زهقتى منها امسكى الانجليزى او المدخل

يارب يوفقنا كلنا وبالنسبه لتكميل كتب العملى شوفى حد من اصحابك وانقليه منه وانتى هتفهمى اللى كتبتيه

كل سنة وانتم طيبين وكل اعضاء المنتدى بخير  والله يا جماعة الواحد حاليا بيكمل كتب العملى انما مذاكرة مش عارفة ابتدى منين ولا باية بس احنا لازم نبتدى باى حاجة 

على فكره بقى انا ولا كملت عملى ولا بدات مزاكره من بعد الشيت لحد دلوقتى واعصابى هاديه وعارف ان البدايه هتبقى اما نقعد فى البيت الواحد بيروح الكليه يرجع تعبان يقعد نت شويه وينام كل يوم هكذا هنزاكر امتى لكن بعد العملى نقعد فى البيت ونبدا نزاكر صح وبعدين الامتحانات نظامها يخلى المزاكره فهم مش حفظ يعنى الاختيارى طالما فاهم هتحل اما بالنسبه للامتحان الشفوى للى بيحفظ عشانه لا انت لو قلتلته بفهمك والله بتاخد احلى درجات برده حتى لو دخلت كلام كتير بالعربى فى الاجابه افهموا يا جماعه و بلاش حفظ حد يعرف يحفظ سبع كتب الا الكمبيوتر؟
وللكل التوفيق باذن الله

اه يا دكتور اسلام احنا مش زيك من الناس اللى بتفهم لا البنات معروف من اللى بيحفظ وبعدين حفظ ولا فهم المهم نحل فى الامتحانات وخلاص

وانتى طيبه يا حوبه وحشتينى اسكتى مش انا قضيت العيد فى المستشفى ابقى كلمينى

ان شاء الله خير يا دكاتره متخفوش
بس حاولوا الاسبوعين اللي جايين تركزوا على حاجتين غايه في الاهميه
اولهم العملى لان امتحانات العملى قربت جدا ومش عايزكم لا تخافوا من امتحانات عملى التحليليه ولا العضويه لانهم سهلين جدا وبيبقى معاكم اسكيم بتمشوا عليها بخطوات
الاهم تركزوا على عملى البيولوجي والعقاقير دول اهم حاجه
تاني حاجه لازم تهتموا بيها الاسبوعين اللي جايين انكم تبداوا تذاكروا الجزء اللي بعد الشيت جامد جدا كانك بتحفظهم او بتفهمهم مره واحده في حياتك ومش مهم دلوقتي جزء قبل الشيت
اهم حاجه تركزوا على العملى علشان امتحانات العملى وتاني جزء اللي بعد الشيت علشان تستريحوا بعد كده في انكم مجرد انكم هتراجعوا على جزء قبل الشيت وتراجعوا على الجزء اللي بعد الشيت مجرد مراجعه مش حاجه هتتحفظ لاول مره
وربنا يوفقكم ولو حد عايز اي سؤال يتفضل واحنا كلنا تحت امره

الف  مليوووووووووووون سلامة عليكى يا ريرى هو العيد دة مالة كدة عندنا كلنا

شكرا يا دكتور مصطفى على النصايح دى بس العقاقير الحفظ فيها صعب مش عارفه احفظ كله بيدخل فى بعضع وعايزه اعرف هو امتحان الميد تيرم فى العقاقير دى بتبقى ازاى

شكرا جدا لكل اعضاء المنتدى اللى شاركونا ارائهم وشكرا جدا على النصايح وان شاء الله كلنا نعمل بيها ونستفيد منها

تم بحمد الله