تنبيه هام (قبل ما نروح الامتحان)

اولا:-السلام عليكم ورحمة الله وبركاته
ثانيا:-انا عارفة انه خبر مش حلو خالص بس اعمل ايه لازم اقول ما احنا فى كلية المفاجأت والعجائب المهم بقا ان اصحابى اللى بياخدوا كورس قالوا ان الدكتور قالهم ان لو حد جات لجنة الشفوى بتاعتوا عند الدكتور الضوى يبقى هيسأل فى العملى مع النظرى
فكل واحد ياخد معاه الورق بتاع العملى ده اذا كان ما رماش الورق اساسا معاه بكره احتياطى
انا قولتلكوا خوفا من ان اى حد فينا تكون دى لجنته وميعرفش
اللهم بلغت اللهم فاشهد وربنا معانا جميعا

ربنا يستر تسلمى

انا جبت فى الشفوى 40 من 60 اتحطط ادام عينى
منها لله الدكتور نرجس صموئيل ايتو دى ربنا ياخدها

انا مش عارفه اخدت كام وكان نفسى اعرف بس انا كنت مع دكتورة فوزيه وقعدت طوووول اليوم استنى حرام دا تضييع وقت وتعب للاعصاب منهم لله

لا انا الحمد لله مطمنه شويه واخده فوق 45 بس الدكتوره بتدى لكله كده منهم لله بجد يعنى انا مش عارفه اعمل ايه بايظه فى الامتحان وكمان بايظه فى الشفوى ربنا يسامحهم لا واايه بيسالو اساله غريبه انا اطحنت اساله والله بس ربنا هيستر وحاسه ان ربنا هيعوضها فى ماده تانيه يارب يكون معانا بس على فكره كل الدكاتره كده بيدو من 40-50 مبيزودوش عن كده ومشكلتى ان دخلت فى اول حاجه بس بعد كده الواحد يستنى شويه ومتقلش يا دوكتور اسلام ربنا ان شاء الله معانا

لا انا الحمد لله امتحنت مع د\مى دكتورة عسل اوى ادتنا الورقة فيها اسئلة قالت عرفينها حلوا مش عارفين اى حاجة سيبكوا من الورقة واكتبوا من دماغكوا اى
mechansim &R,S configuration for any compound
وبعد كده فى المناقشة بتسألك فى اللى انت حليتوا وكام سؤال من امتحان امبارح بتاع6او7اسئلة كده بس بتحط درجات حلوة
اكتر حاجة مضايقانى انى اتأخرت جدا على ما دخلت وفضلت طول النهار متعذبة وواصلة البيت الساعة 4ونص وكانت حاجة تزهق
بس برضه يا جماعة احمدوا ربنا على الدرجات وان شاء الله يا د\اسلام الدرجة تترفع لان اكلية عندنا بترفع الدرجات تانى متقلقش وكويس ان ما امتحناش مع د\الضوى ولا د\كامل اللى امتحنوا معاهم طلع عينيهم نظرى وعملى واتبهدلوا جامد جدا وبعدين خلاص بقا سيبكوا من العضوية خلصت خلاص ركزوا فى النباتات وربنا يستر فى دى بجد ويكون الامتحان كويس
وربنا معانا كلنا ان شاء الله

انا بقى كنت من المغضوب عليهم مع د.كامل
حسبى الله ونعم الوكيل
ربنا على الظالم والمفترى
ده احنا كنا 25 بنت بس وفضلنا لحد الساعة 4.30
منه لله ضيعنا

كامل ده منظره يضحك بالبلطو بتاعه والشبشب اللى بيلبسه ده ولابس حته نضاره عظمه بتفكرنى بانضرات الخشب بتاعه زماااااان

انا بقى مع دوك مصطفى
كان دكتور ذى العسل
ادانى سؤالين استريوا
جامدين حلتهم الحمد لله
بس الله اعلم صح ولا اية وقالى مشى بقى ومش كمل معايا
عيب كدة